ഇന്ത്യയുടെ ശ്രീലങ്കക്കെതിരായ പരമ്പര ജനുവരി മൂന്നിന് ആരംഭിക്കുകയാണ്. ട്വന്റി20കളും ഏകദിനങ്ങളും അടങ്ങുന്ന പരമ്പരയാണ് ശ്രീലങ്ക ഇന്ത്യയിൽ കളിക്കുന്നത്. ചേതൻ ശർമയുടെ നേതൃത്വത്തിലുള്ള സെലക്ഷൻ കമ്മിറ്റിയാണ് ഇരുപരമ്പരകൾക്കുമുള്ള ടീമിനെ നിശ്ചയിക്കുക എന്നാണ് റിപ്പോർട്ട്. അതിനാൽതന്നെ രോഹിത് ശർമയുടെ അഭാവത്തിൽ ഇന്ത്യയുടെ ഓൾറൗണ്ടർ ഹർദിക് പാണ്ഡ്യ പരമ്പരയിൽ നായകനാവും എന്ന റിപ്പോർട്ടാണ് പുറത്തുവരുന്നത്. രോഹിത് തന്റെ പരിക്കിൽ നിന്ന് പൂർണമായും മോചിതനാവാത്ത സാഹചര്യത്തിലാണ് ഈ തീരുമാനം. ഇതോടൊപ്പം നിലവിലെ ഇന്ത്യയുടെ ഉപനായകനായ കെ എൽ രാഹുലും ട്വന്റി20 പരമ്പരയിൽ അണിനിരക്കില്ല എന്ന വിവരവും പുറത്തുവരുന്നുണ്ട്. ഒരു ബിസിസിഐ ഇതിവൃത്തമാണ് ഇക്കാര്യങ്ങൾ ബോധിപ്പിച്ചത്.
“ശ്രീലങ്കയ്ക്കെതിരായ നിശ്ചിത ഓവർ പരമ്പരകൾക്കുള്ള ഇന്ത്യൻ ടീമിനെ പഴയ സെലക്ഷൻ കമ്മിറ്റിയാണ് നിശ്ചയിക്കുന്നത്. നിലവിൽ ട്വന്റി20 പരമ്പരയ്ക്ക് മുൻപ് രോഹിതിന് പരിക്ക് പൂർണമായും ഭേദമാകുന്ന ലക്ഷണമില്ല. അതിനാൽ ഹർദിക്കായിരിക്കും പരമ്പരയിൽ ഇന്ത്യയെ നയിക്കുക. രാഹുൽ പരമ്പരയിൽ കളിക്കാനും സാധ്യത കുറവാണ്.”- ബിസിസിഐ ഇതിവൃത്തം അറിയിച്ചു.
കഴിഞ്ഞ സമയങ്ങളിൽ ഇന്ത്യൻ നിരയിൽ ഏറ്റവുമധികം വിമർശനങ്ങൾ കേട്ട ക്രിക്കറ്ററാണ് കെ എൽ രാഹുൽ. ട്വന്റി20 ലോകകപ്പിന്റെ സെമിയിൽ ഇംഗ്ലണ്ടിനെതിരെ രാഹുലിന്റെ തണുപ്പൻ ബാറ്റിംഗ് സമീപനം ഒരുപാട് ചോദ്യങ്ങൾ ഉയർത്തിയിരുന്നു. മത്സരത്തിൽ രോഹിത്തും രാഹുലും മെല്ലെ കളിച്ചതിനാൽതന്നെ ആദ്യ 10 ഓവറുകളിൽ 62 റൺസ് മാത്രം നേടാനെ ഇന്ത്യക്ക് സാധിച്ചിരുന്നുള്ളൂ. ഇക്കാരണങ്ങൾ കൊണ്ട് തന്നെ ഇനിയും രാഹുലിനെ ഇന്ത്യ ട്വന്റി20 കളിപ്പിക്കുമോ എന്നത് കണ്ടറിയേണ്ട കാര്യമാണ്.
3 ട്വന്റി20കളും മൂന്ന് ഏകദിനങ്ങളുമടങ്ങുന്ന പരമ്പരയാണ് ശ്രീലങ്ക തങ്ങളുടെ ഇന്ത്യൻ പര്യടനത്തിൽ കളിക്കുന്നത്. ശേഷം ന്യൂസിലാൻഡിനെതിരെയും ഓസ്ട്രേലിയക്കെതിരെയും ഇന്ത്യക്ക് പരമ്പരയുണ്ട്. അതിനുശേഷമാവും ഇന്ത്യ ഐപിഎല്ലിലേക്ക് കടക്കുക.
